La lenga si aficha (« la lenga que s'aficha ») que'vs prepausa de descobrir las partviradas istoricas e artisticas de l'après Mai 1968 e d'apregondir las vòstas coneishenças en lenga e cultura occitanas a partir de las colleccions d'afichas contemporanèas deu CIRDÒC-Mediatèca occitana.
Contienuts pedagogics elaborats en 2012 dens l'encastre deu servici educatiu de la Mediatèca occitana (associacion CIRDÒC - Acadèmia de Montpelhièr).
Ensenhaira cargada deu servici educatiu : Émeline Coste
Produccion e documentacion : CIRDÒC - Mediatèca occitana
La lenga si aficha (« la lenga que s'aficha ») que'vs prepausa de descobrir las partviradas istoricas e artisticas de l'après Mai 1968 e d'apregondir las vòstas coneishenças en lenga e cultura occitanas a partir de las colleccions d'afichas contemporanèas deu CIRDÒC-Mediatèca occitana.
Contienuts pedagogics elaborats en 2012 dens l'encastre deu servici educatiu de la Mediatèca occitana (associacion CIRDÒC - Acadèmia de Montpelhièr).
Ensenhaira cargada deu servici educatiu : Émeline Coste
Produccion e documentacion : CIRDÒC - Mediatèca occitana
Objectius pedagogics
La lenga si aficha prepausa aus escolans segon cursus occitans (classas bilinguas, immersion o opcion lenga viva) l'aprendissatge e la practica de la lenga a partir de centres d'interès originaus (istòria contemporanèa, educacion artistica e culturau, coneishença e practica de las arts graficas).
L'e-maleta qu'ei egaument utilizable per ensenhaires, deus formators e deus escolans ne practicant pas la lenga occitana mes desirant abordar las questions culturaus regionaus dens los lors cors d'istòria, d'arts plasticas, d'activitats d'educacion artistica e culturau.
L'utilizacion de l'e-maleta en linha peus escolans que pòt respóner egaument aus objectius de formacion a las tecnicas de l'informacion e de la comunicacion.
Concebuda dab l'ajuda d'ua ensenhaira, l'e-maleta qu'ei estada pensada entà respóner aus objectius pedagogics seguents :
- Cicle 3 (CM1-CM2) : ensenhament de las arts visuaus e/o de l'occitan ; formacion a las tecnicas de l'informacion e de la comunicacion
- Collègi : ensenhament de las arts visuaus e/o de l'occitan; formacion a las tecnicas de l'informacion e de la comunicacion
– Licèu : ensenhament de l'istòria e/o de l'occitan ; formacion a las tecnicas de l'informacion e de la comunicacion
Session 1 : Léger ua aficha, compréner ua epòca
Aquera prumèra session que'vs prepausa de descobrir un periòde important de l'istòria occitana contemporanèa a partir d'un document emblematic, l'aficha Òme d'Òc, as dreit qu'a la paraula, be parlè !
Presentacion
Lo document
Lo contèxte istoric e culturau
Dossièr documentari
Pistas d'activitats ne classa
[galeria d'afichas 1]
Session 2 : Concéber lo son projècte d'aficha
Dens la continuitat deu tribalh d'analisi miat pendent la prumèra session, aquera dusau session que convida los escolans a descobrir diferents eslogans occitans, entà soscar aus particularismes d'aqueth mòde d'expression. Cada grop constituït que conceberà un projècte d'aficha comprenent un eslogan en occitan.
Presentacion
Pistas d'activitats ne classa
Dossièr documentari
Lo document : tipologia d'eslogans occitans
Lo contèxte istoric e culturau
[galeria d'afichas 2]
Session 3 : Realizar ua aficha
Aquera tresau e darrèra session que pausa sus la creativitat deus escolans, qui deuràn realizar lo lor pròpi projècte d'aficha sus la basa de las projeccions realizadas pendent la precedenta session.
Presentacion
Pistas d'activitats ne classa Istòrias e tecnicas : l'estampon